أعطال شائعة بلابتوبات الألعاب
- سخونة عالية وصوت مراوح قوي حتى بالاستخدام العادي.
- الأداء بينزل والألعاب بتعلّق بعد كم دقيقة من اللعب (Thermal Throttling).
- بيطفي فجأة وقت اللعب.
- خطوط أو مربعات ملوّنة بالألعاب (Artifacts)، أو كرت الشاشة مش ظاهر بالجهاز.
- ما بيشحن، أو الشاحن أو منفذ الشحن بيسخن كثير.
- خطوط أو وميض بالشاشة السريعة (144Hz أو أكثر).
- مفصلات مكسورة — شاشات أجهزة الألعاب أثقل، فالمفصلات بتتعب أسرع.
ليش أجهزة الألعاب بدها عناية خاصة؟
المعالج وكرت الشاشة بأجهزة الألعاب بيولّدوا حرارة أعلى بكثير من اللابتوب العادي، والمراوح بتسحب غبار أكثر. مع الوقت الغبار بيسكّر ممرات الهواء والمعجون الحراري بيجف، فالجهاز بيخفّض أداءه حتى يحمي حاله. التنظيف وتجديد المعجون الحراري بيرجّعوا الأداء بكثير من الحالات — شوف التنظيف والتبريد.
الماركات اللي بنشتغل عليها
- ASUS ROG · Lenovo Legion و LOQ · HP Omen و Victus · Acer Predator
- MSI · Dell Alienware · Gigabyte Aorus · Razer
إحنا مركز صيانة مستقل، ومش وكيل معتمد لأي من هالماركات. إذا جهازك لسا بكفالة الوكيل، بننصحك تراجعه أول.
نصائح بتطوّل عمر جهاز الألعاب
- شغّله على سطح صلب ومستوي، مش على السرير أو الكنباية، حتى ما تنسكّر فتحات الهواء.
- استخدم الشاحن الأصلي بنفس القدرة (الواط) — الشاحن الأضعف بيسخن وبيأثّر على الأداء والبطارية.
- قاعدة التبريد بتساعد، خصوصاً بجلسات اللعب الطويلة.
- إذا لاحظت إنه صوت المراوح صار أعلى من قبل، هاي إشارة إنه بدّه تنظيف.
كم بتكلّف؟
تكلفة صيانة أجهزة الألعاب بتعتمد على العطل والقطعة:
- التنظيف وتجديد المعجون الحراري غالباً أقل تكلفة من أي تصليح ثاني.
- قطع أجهزة الألعاب — زي الشاشات السريعة 144Hz وأكثر — عادةً أغلى من قطع اللابتوب العادي.
- أعطال كرت الشاشة واللوحة الأم بتعتمد على القطعة التالفة وتوفّرها.
بعد الفحص المجاني بنعطيك سعر نهائي واحد بيشمل القطعة والعمل، وما بيتغيّر بعد موافقتك عليه. وإذا قرّرت ما تصلّح، بتستلم جهازك بدون أي رسوم.
كم بتاخد وقت؟
التنظيف والتبريد عادةً بيخلص بنفس اليوم أو خلال يوم عمل واحد. أعطال كرت الشاشة واللوحة الأم بتاخد وقت أطول، وبنوضّحلك المدة المتوقعة مع السعر.
الضمان
بنضمن كل تصليح بننفّذه وكل قطعة بنركّبها شهر كامل من تاريخ التسليم. والضمان ما بيشمل الأضرار الجديدة الناتجة عن السقوط أو انسكاب السوائل، أو فتح الجهاز عند جهة أخرى بعد الاستلام.
كيف نشتغل
- اطلب الصيانةعبّئ نموذج الطلب أو راسلنا على الواتساب — ما بياخد أكثر من دقيقة.
- بنتواصل معكعلى الواتساب خلال ساعة ضمن أوقات الدوام، حتى نرتّب استلام الجهاز.
- فحص مجاني وسعر واضحما بنبدأ أي تصليح قبل ما نوضّحلك السعر وتوافق عليه.
- تصليح واختبار وتسليمبنختبر الجهاز ونتأكد إنه العطل انحل، وبعدها بنسلّمك إياه مع ضمان شهر كامل.
أسئلة متكررة
هل التنظيف وتجديد المعجون الحراري بيفرق بالأداء؟
إذا الأداء بينزل بسبب الحرارة، نعم وبشكل واضح. الجهاز بيخفّض سرعته لما يسخن حتى يحمي حاله، ولما ترجع الحرارة طبيعية بيرجع يشتغل بكامل قوته.
هل بقدر أرقّي كرت الشاشة باللابتوب؟
باللابتوب كرت الشاشة ملحوم على اللوحة الأم بأغلب الأجهزة، فما بيترقّى. بس الرام والتخزين غالباً بيترقّوا، وبنوضّحلك شو المتاح لجهازك.
هل إنتو وكيل معتمد لـ ASUS أو Lenovo أو HP؟
لا، PowerFix مركز صيانة مستقل ومش وكيل معتمد لأي ماركة. إذا جهازك لسا بكفالة الوكيل، بننصحك تراجعه أول.