عقود صيانة أجهزة الكمبيوتر للشركات والمكاتب في عمّان

متى بيستاهل عقد صيانة؟

• عندك عدة أجهزة بالمكتب وما عندك قسم IT.
• عطل جهاز واحد بيوقف شغل موظف أو قسم كامل.
• بدك حدا بيعرف أجهزتك وشو انعمل عليها، مش فني جديد كل مرة.
• عندك موظفين جداد وبدك أجهزتهم تكون جاهزة بالبرامج من أول يوم.
• أجهزتك صارت بطيئة وبتسخن، وبدك صيانة دورية قبل ما تتعطّل.

شو بيشمل العقد؟

بنتفق معك على تفاصيل العقد حسب احتياجك، وممكن يشمل:

• صيانة دورية: تنظيف داخلي وتجديد المعجون الحراري — شوف التنظيف والتبريد.
• تصليح الأعطال لما تصير: شاشات، شحن وبطاريات، لوحة مفاتيح، ولوحة أم على مستوى الشرائح.
• أنظمة التشغيل والبرامج: تثبيت Windows والتعريفات والبرامج، وإزالة البرمجيات الخبيثة.
• ترقية الأجهزة: تركيب SSD وزيادة الرام، مع نقل النظام والبيانات بدون ما تضيع.
• تجهيز أجهزة الموظفين الجداد ونقل البيانات من الأجهزة القديمة.
• أعطال الواي فاي والصوت والكاميرا بالأجهزة.

كيف بنشتغل مع الشركات؟

• بنزور مكان شغلك داخل عمّان حسب المواعيد اللي بنتفق عليها.
• الأعطال البسيطة بنحلّها بمكانها، والأجهزة اللي بدها شغل أكبر بنستلمها وبنرجّعها.
• لما يصير عطل بين الزيارات، بتراسلنا على الواتساب مباشرة.
• ما بنطّلع على ملفات الشركة ولا بنحتفظ بنسخة منها.

كم بتكلّف؟

ما في سعر ثابت للعقد، لأنه كل شركة إلها احتياج مختلف. بنحدّد قيمة العقد حسب:

• عدد الأجهزة ونوعها: لابتوب، أو كمبيوتر مكتبي، أو الاثنين.
• عدد الزيارات الدورية اللي بتحتاجها.
• إذا القطع داخلة بالعقد، أو بتنحسب لحالها لما تلزم.
• شو الخدمات اللي بدك يشملها العقد.

بعد ما نتعرّف على أجهزتك واحتياجك، بنعطيك عرض واضح، وما بنبدأ قبل موافقتك عليه.

كم بتاخد وقت؟

بنتفق معك على مواعيد الزيارات الدورية من البداية. والأعطال اللي بتصير بين الزيارات بتراسلنا عنها على الواتساب، وبنرتّب معك أسرع وقت لحلّها.

كيف نشتغل

1. تواصل معناراسلنا على الواتساب أو عبّئ نموذج الطلب، واحكيلنا عن شركتك وعدد أجهزتك.
2. بنتعرّف على أجهزتكبنشوف الأجهزة وطبيعة الشغل، وبنحدّد شو بتحتاج.
3. عرض واضحبنعطيك عرض بيناسب احتياجك، وما بنبدأ قبل موافقتك.
4. متابعة مستمرةصيانة دورية حسب الاتفاق، ومتابعة لأي عطل بيصير.

أسئلة متكررة